’O principe d’‘a resata

di Massenzio Caravita

Nun saccio quant’ anne te desso
pe’ te vedè n’ata vota ‘e recità,
si tu dall’atu munno turnasse
pe’ chi te vò bene saje che felicità.

‘E bbatute toje erano spontanee
belle, sincere e chin’ ‘e semplicità,
tenive ‘ncapo nu vulcano ‘e idee
ca ‘o copione l'avevano jttà!

E ‘ncopp’ ‘o palcoscenico
tenive ‘e lampe ‘e genialità,
e po’ ‘o pubblico t’era amico
pecchè dicive sempe ‘a verità!

E tra mille resate e mille pazzie
ce mettive tutta chella abilità!
Ll’ anne sò ppassate amico mio
e se parla sempe ‘e te a ‘sta città!

‘A resata cammina c’ ‘o tiempo
fino a che dura ll’eternità,
e Napule te ricorda sempe:
Tenive pese, mesure e qualità!