A Totò
si stato n'attrazione, 'o rre d''o munno comico pe' tre generazione. Verace figlie 'e Napule n'he dato buonumore, sapive fa' miracule cu' l'arte toia d'attore. Mado',che Ddio 'e cervella tenive comme autore pe' scrivere: 'A LIVELLA e ' O FINE DICITORE. Pe' fa' na MALAFEMMENA ch'e' nu capolavoro, canzone chiena 'e semmena ch'ogge se canta ancora. A sta citta' che campa 'a sempe 'int''o turmiento tu c'he lassate 'a lampa, nu sciummo 'e sentimento. N'eredita' 'e surriso nu testamiento 'e core na luce 'e pizzo a rrisa l'oro 'e nu 'nduratore. E pe ringraziamento t'avimmo dedicato TOTO',nu monumento, tutto pe' tte,allustrato! Napule e' na famiglia aunita 'int''o calore e tu ca le si' figlio nun puo' muri',nun muore! |