'E sera, Margellina è nu brillante, lucente comme luce nu bisciù è 'o paraviso 'e tutt' 'e ccoppie amante, nu paraviso 'ncopp'a ll'acqua blu.
Femmene belle e cammesett' 'e lino. Canzone, appassiunate 'e giuventù cantate cu chitarre e manduline... Chesta visione nun t' 'a scuorde cchiù.
Margellina! Paraviso d' 'e 'nnammurate... Margellina... Sta marina: te fa parè chesti bbarche, chisti scoglie, profumate d'erba 'e mare: che s'addormono appuiate 'ncopp'a nu cristallo blu... Margellina! Sta canzone 'a siente tu: ca si 'e Napule 'a riggina, si 'a cchiù bella Margellina... Margellina e niente cchiù.
'0 mare 'e Margellina è n'atu mare, quanno ll'he visto nun t' 'o scuorde cchiù. Chest'acqua ca guardannola te pare nu specchio trasparente, na virtù. Chistu brillante, illuminato 'e sole, Napule mia 'o tiene sulo tu... Stu cielo, chistu mare e sti figliole songh' 'e tesor' 'e tutt' 'a giuventù.
Margellina! Paraviso d' 'e 'nnammurate... Margellina... Sta marina: te fa parè chesti bbarche, chisti scoglie, profumate d'erba 'e mare: che s'addormono appuiate 'ncopp'a nu cristallo blu... Margellina! Sta canzone 'a siente tu: ca si 'e Napule 'a riggina, si 'a cchiù bella Margellina... Margellina e niente cchiù.
