canta Nunzio Gallo   mp3

Te vedette na matina
'ncoppa 'o trammo d' 'a Turretta
tu scenniste a Margellina
io scennette appriesso a tte;

Permettete na parola?
Ce mettemmo a ffà ammore,
Mo fa n'anno 'o tiempo vola
cumme vola a ffianco a tte.

Voglio campà cu tte ore e mumento,
voglio campà cu tte pe tutt' 'a vita
sempe cu tte, vicino a tte pe nun suffrì
io senza te, luntano 'a te pozzo murì .

Voglio campà cu tte na vita sana
voglio campà cu tte sempe abbracciato
tu vase a me, io vaso a tte, sempe accussì
e ssaie pecchè ? 'o vvuò sapè , pe nun murì .

Dinto all'uocchie tiene 'o mare
mpont' 'o musso dduie curalle
è nu scrigno 'e perle rare
chesta vocca toia pe mme.

Quanno faie stu pizzo 'a rriso
io me sento ascì a 'mpazzia;
si mme vase 'mparaviso
me ne saglio 'mbraccio a tte.

Voglio campà cu tte ore e mumento,
voglio campà cu tte pe tutt' 'a vita
sempe cu tte, vicino a tte pe nun suffrì
io senza te, luntano 'a te pozzo murì .

Voglio campà cu tte na vita sana
voglio campà cu tte sempe abbracciato
tu vase a me, io vaso a tte, sempe accussì
e ssaie pecchè ? 'o vvuò sapè , pe nun murì .