Comme so' triste 'e penziere
quanno so' mute 'e pparole!
E comme è friddo chistu sole
a quanno manchi tu...
comme so' triste 'e penziere
"Dimane..
-me diciste 'na sera-
astrignimmo 'e ccatene
ca ce fanno suffrì
Dimane"
E luceva, sincera,
comme'a luce d' 'o bbene
'ca nun sape murì,
l'ultima lacrema, senza cadè,
ca st'uocchie d'angelo
chiagnevano pe'mmè
Dimane?
Ogni gghiuorno, ogni sera
io t'aspetto ca viene
per murì 'nbracci'a tte
Comme so' amare 'e pparole
quanno n'è ssente nisciuno.
Io, comm' 'a n'ombra sott'a luna
vaco parlanno 'e te...
Ma songo amare 'e pparole.