Sono molto, molto triste,
sono mesto, molto mesto,
Notte e dì stongo accussi,
Tengo sempe 'a faccia 'e pesta,
nun me fido cchiù 'e suffrì!...
Songo tre anne ca me so spusato
songo tre anne ca me songo 'nguaiato...,
Io tengo pe cumpagne na mugliera,
ca si 'a vedite è peggio 'e nu culera!
Ma po' chello ch'è cchiù peggio:
ca se chiamma: Rosa 'e Maggio...
Voi capite? Rosa 'e maggio?
Ci pensate che curaggio?
a rosa è bella. 'a rosa è profumata,
ma quella è na civetta imbalsamata!...

Rosa di Maggio...
a conuscette a parte 'e Sant'Eligio
na sera 'e vierno sotto a na pioggia,
l'accompagnai a casa, in Via Foggia,
e 'a tanno aggio schifato 'e rose 'e Maggio

Sono scosso, molto scosso,
vedo rosso,tutto rosso....
C'aggia fa, pure mammà
mi domanda con accesso
Comme 'e fatto a t' 'a spusà?...
Io m'ha spusaie che non c'era male...
Chi so credeva c'era nu spitale...
Ma , doppo sette mesi 'e baci ardenti
muglierema perdette tutti i denti!...
Ma pò, chello ch'è cchiù peggio,
vò c'a chiammo rosa 'e maggio..
Voi capite? Rosa 'e maggio?
Ci pensate che curaggio?...
A rosa ' bella...chella è na giraffa...
Si sta curvando e sta criscenne 'e baffe!...

Rosa di maggio...
Appena a gente 'a vede sopra 'a na spiaggia
succede all'intrasatto il fuggi, fuggi...
ma io vado a fernì pe mmano 'e legge,
a vierno 'a metto annure fore 'a loggia!...

Stongo a spasso, sempe a spasso...
pago 'tasse, ma che spasso...
E mia moglie ogn'or mi fa:
Voglio 'o russo! voglio 'o russo!...
Pascalì m'aggia truccà!...
A n'atu ppoco ce vennimme 'o lietto
e quella penza a metterse 'o russetto...
Cu chella capa,quanno s'è pittata
mi sembra San Giovanni decollato!
E per me un sacrilegio
a chiamarla: Rosa 'e maggio..