Il nivel

di Antonio de Curtis

Duc’ i ains, ai dòi di Novembar, a è l’usance
pai muàrts di là in cimitiéri,
ognidun al à di fàle cheste creance,
ognidun al à di vélu chest pinsìir.

Duc’ i ains, juste in cheste dì,
di cheste grame, maluseriòse ricurince,
ancje iò vòi là, e di flòors furnìs
la colombarie marmuline di agne Catine.

Chest an mi è tocjade une venture,
daspò di vé compìit il gram onòor,
(mari mé, se j pensi sòre, cetante pòre !)
ma subìt daùur o ài cjapàat cùur

Al è chest il fat, stàimi a scoltà:
di bot a ère l’òre che ‘a siaravin:
iò èri biél ch’o lavi fùur cu la pachèe,
dànt di vòli a di qualchi sapulture.

" Culì al duàar in pàas il nòbil marchées
siòor di Ruvì e di Belùn,
ardimentòos eroi di mil imprésis
muàrt ai undis di Mai dal Trenteun".

La stème cu la corone insomp di dut,
sot di une cròos di lampadinis..
Tre macs di ròsis, une liste di coròt,
cjandèlis, cjandelots e sìis lumìns.

Juste ret de tombe di chest siòor,
a ère un’altre tombe piçulute,
bandonade e cence nancje un flòor.
Par segnàal, dòme une crosute,

e in somp ae cròos apène si leève:
" Mèni Zannier scovaçìn".
Cjalànle, ce dùul ch’al mi fasève
chest muart cence nancje un lumìn !

Chèste a è la vite! ­tal miò cjàaf pensavi-
Cùi al à vùut cetant, e cùi al nol à nuje !
Chel biàat om, marimé, cùi sà s’al si spietave
che ancje in chel àtri mònt al ère peçotòos?

Bièl ch’o filavi sòre chest pinsìir,
a ère dibòt zà fate mieze gnòt,
sòi restàat siaràat dentri presonìir,
muart di pòre denant dai cjandelòts.

Dut a còlp, ce viòdio di lontan ?
Dòos òmbris fàasi dongje de mé bande.
O ai pensàat: chest fat al mi pàar stramp.
Sòio dismòt, duàrmio, o çavarièio ?

Ce fantasie, al ère il marchèes
Cun cane, caramele e gaban,
chel atri daùur di lui, un brut argagn:
dut ch’al puçave e cun t’une scòve in man.

Chel di sigùur al è siòor Méni.
il biàat muàrt, il scovaçìn.
Dentri chest fati iò no viòot clàar:
sono muàrts o si ritirino cumò ?

Podèvin jéssi di mé distants ‘ne spane,
quan’ che il marchées al si à fermàat di còlp,
al si à voltàat e cu la pachèe, cujét cujét,
al à dit a siòor Meni: " Fantàt !

di vò orés savé, vìil carogne,
cun cuàal ardì e cemùut ch’o vées olsàat
di fàus soterà, par mé vergogne,
dongje di mé, ch’o sòi blasonàat ?

La caste a è la caste, e si à di rispietàle,
ma vò o vées piardùut il sèns e la misure.
Il vuéstri cadavar al olève sì puartàat sòt,
ma soteràat in mieç da lis scovaçis !

Ancjemò plui sapuartà no pués
Il tuf de vuéstre vicinance.
Bisugne doncje ch’o cirìis ‘ne buse
Tra i vuéstri pàars, fra la vuéstre gjarnazie".

"Siòor marchées, no è colpe mé,
iò no us varés fat chest tuart;
a è stade la mé fèmine a fà cheste falòpe,
iò ce podèvio fà, s’o èri muart ?

Se iò fos vìif, us farés contènt,
la cassute cjolarés cui miei quatri ués,
e daùurman, cjale, in chest moment,
o larés dentri in t’une atre buse".

" E ce spietistu, cragnòos di un malcreàat,
che la mé rabie a vadi fùur dai semenàats ?
Se iò no fos nassùut un titulàat
Bielzà di man ae violence ‘o varés dàat ! "

"Fàmi viòdi, dàj di man a ‘ste violènce
Pardabòn, marchées, mi sòi stufàat,
a sintìti tè; e s’o piart la pazienze,
mi dismenti ch’o soi muart e a son maçadis!

Ma cui cròdistu di jessi, ... un diu ?
Ca dentri, no astu capìit ch’o sin compains ?...
...Tu sées muart tu e ancje iç soi muart.
Ognidun tanche chel atri al è tàal e cuàal.

"Cragnòos di un purcìt! ...Cemùut ti permetistu
di paragonàti a mé, ch’o ai vùut nadài
innomenàats, ‘ne vòre nòbii e perfets,
di fà invidie ai princips reài ? "

" Ma ce Nadààl, Pasche e Pifanìe !
Vuelistu mètiti tal cjàaf, in tal çurviél,
che tu sèes imò malàat di fantasie ?...
Sàstu ce ch’a è la muart ? ..al è un nivel.

Un re, un magjstràat, un grand om
Passant par chest cancel ‘a jan fat pònt
Ch’a jan pierdùut dut, la vite e ancje il non,
no astu fat ancjemò no chest cont ?

Dòncje, scòltimi mé, no stà fà il ristìif,
sapuartimi cà dongje, ce ch’al t’impuarte ?
Lis pajaçadis lis fasin dòme i vìis,
nò o sin sèrios, ‘o partignin ai muarts !"

traduzione in dialetto fiulano di Manlio Marcos da Prodenone