Ea Boeadi Antonio de Curtis
Tuti i ani, el do de novembre,
ghe xe na tradision
pai morti, de andar al cimitero.
Tuti i ga da far sta cortesia;
e tuti i ga da ricordarse sta roba.
Tuti i ani, puntualmente,in sta giornada,
de sta triste e mainconica ceebrasion,
anca mi ghe vado, e con dei fioretti adorno tuto torno
ea tomba de marmo de sia Vicensa.
Sto ano me xe capitada na vicissitudine…
dopo che vee finio sta triste riverensa.
Maria vergine! Se ghe penso mea fasso sotto!,
ma dopo me fasso forsa e corajo.
Ea storia xe questa, scolteme:
jera quasi ora de serar:
e mi cheto cheto, jero drio andar via
No me xe casca l'ocio su che'altre tombe.
"Qua dorme in pase el nobie marchese
signor de Rovigo e de Beun
ardimentoso eroe de mie imprese
morto l'undese magio del trentaun"
El gaveva na stemma co ea corona par sora a tuto...
e...soto na crose fatta de lampadine;
tre massi de rose co tuta na lista de luto:
candee, candeotti e sie lumine.
Proprio tacada aea tomba de sto gran signor
ghe jera n'altra tomba picenina,
trascurada sesna gnanca un fioretto;
par segno….sol che na croseta.
E sora sta croseta se eseva tutto sbiadio::
"Bepi Scarpa - spasin":
vardandoea, che tristessa che me faseva
sto poro morto sensa gnaca un lumin!
Sta qua xe ea vita! Jero drio pensar dentro ea me testa...
ghe xe chi ga avuo massa e chi no ga avuo gnente!
Sto poareto par mi no el se spetava mia
che anca in che'altro mondo el saria sta un poro desgrasià?
E mentre romaso pensavo a sta storia,
se rivada mesanote,
e cussitta son restà serà la dentro inacrcerà,
morto de paura...davanti a sti candeoti.
Tutto a un trato, cossa che me vedo la in fondo?
Do ombre che vien verso de mi...
E penso: sta roba a mi me par un fìà strana...
Sojo svejo ….son drio dormir, o sea sol che sugestion?
Altro che sugestion; el jera el Marchese:
col baston, el capeo e col pastran;
e que'altro tacà da drio de lu el tegnea in man un brut afar;
tuto spusoente e co na scoa in man.
E queo ghe metaria na man sul fogo che el xe Bepi Scarpa...
' el morto puareto...' el spasin.
De tuta sta storia no ghe vedo ciaro:
i xe morti e i torna a casa de ste ore?
I jera cussì visini che quasi podee tocarli,
quando el Marchese el xe fermà de bota,
el xe gira e cheto cheto..tranquio tranquio,
el ghe dise a Bepi Scarpa:"Uè bocia…
Da ti voria saver, bruto desgrasià
co che corajo e come ti te ga pensà
de farte sepeir, pa a me vergogna,
visin de mi che so nobie!
El titoeo xe titoeo el va rispetà,
ma ti te ga pisà fora del bocae;
Ea vostra salma e andava si seppia;
Ma su e scoase!!
Vara no te soporto pì…qua visin de mi
spusoente come che te si!!!,
fa na roba bea, ciapa ea to roba e va in serca de na fossa
tra quei compagni de ti, e tra ea sente come ti"
"Sior Marchese, no a xe colpa mia,
mi no ve varia mai fato un torto del genere;
xe stada me mujer a far sta boiada,
cossa podee far mi che jero morto?
Se adeso fose vivo,
ciaparia ste quatro toe de na cassa e sti quattro ossi
e n'daria via subito da visin sto altarin
E me butaria rento n'altra busa".
"E cossa sittu drio spetar bruto insemenio
che perda ea pasiensa e me vegna i sinque minuti?
Se no fose che son de nobie rassa
te avaria sa fato vedar mi!"
"Fame fame veda..-tuto sto nervoso...
'Ea verità sior Marchese, xe che me son proprio stufà
'de star qua a sentir tute e to insoense;e se me ciapa el morbin,
me desmentego che son morto e te brinco pal copin!...
Ma chi creditu de essar el sior in tera?
Qua dentro vutu capirla si no,semo tuti compagni?...
...Morto te si ti e morto so mi;
te si compagno a quando che te si nasù".
"Brutto porsel!...Com'eo che te te sogna
de paragonarte a mi che go el sangue nobie e go avuo i natali
nobiissimi e parfetti,
da farghe invidia a Principi de Inghiltera?".
"Ma quaeo natae pasqua e epifania!!!
Vutu meterteo in testa drento a quel serveo
che te si un poro maeà de vision?...
Ea morte satu cosa che a xe????...Ea xe na BOEA.
No ghe xe re, magistrato, o grand'omo,
che passando sto canceo no el se capissa
chel'ga perso tuto,'ea vita e anca el nome:
Ti no te ga fato ancora sto conto?
E ora scolteme no sta far el schissinoso,
soporteme qua visin…cossa che te importa ?
Ste pajasae ee fa sol che i vivi:
noialtri semo gente seria...
Semo morti!"
traduzione in dialetto veneziano di Anna Guerra
|