El Liveldi Antonio de Curtis
Tuti i ani, al do de novembre,
ghe xè ‘na custumansa
De ndar pai morti in zimiter
Tuti i deve rispetar sta ricorensa
Tuti i deve gaver sto pinsier.
Tuti i ani, proprio in sto zorno
De grisa e trista ricorensa
Anca mi vago là, e de fiori contorno
La tomba de marmo de me agna Lorensa.
Sto ano me xè capità ‘na ventura
Dopo ver fat el tristo pinsier
(mare mè, se ghe penso, che paura!)
ma subito me son refà a dover
Xè suces sta roba, dès ve conto, bon:
de seràr iera squasi ora:
e mi pian pianin iero squasi fora del porton,
vardando qualche tomba de sot’ in sora
“Qua riposa in pase el Nobile Marchese
Sior de Rovigo e de Belluno
Ardimentoso eroe de mille imprese
Morto l’11 maggio del 1931”.
El patacon co la corona sora a tut
Soto na crose de lampadine…
Tre masi de rose, ‘na corona a lut,
candele, candeloti e sie lumine.
Rente la tomba de sto sior,
ghe ne iera ‘naltra più picinina,
lasada lì, sensa manco un fior,
unica roba, ‘na picia crosetina,
e su sta croseta se legeva pena pena:
“Meni Zanier, scovazin”.
Vardandola me ga fat na gran pena
Sto mort, sensa manco un lumin!
Sta qua xè la vita! Tra mi e mi pensavo.
Chi ga vù tanto, e chi no ga vù gnente!
Quel beat omo, mare mia, chissà se el se spetava
Che anche nel altro mondo no gambiava gnente?
Intant che a sta roba stavo a pensar,
se iera xà fat squasi mesanote,
e son restà serà drento al zimiter,
pien de sbigula davanti a candele e candelote.
Tut in t’un, de lontan cos’te vedo?
do ombre me se stava visinando.
Go pensà: che roba xè mai stà menada,
Son sveio, dormo o son nando?
Altro che monade, iera el Marchese
Co la tuba, caramela e pastran,
l’altro, drio de lui, un brut arnese:
tut spusolento e co ‘na scova in man.
Quel iera el sior Meni de sigur,
el mort poret, el scovazin.
Mi però no ghe capivo: pur
i xè morti e i torna dès vizin?
I iera via de mi circa un ninin,
co ‘l Marchese se ga fermà de bot,
el se ga voltà, e smurmuiàndo, pianin pianin
el ghe dise al sior Meni: “Ciò, omenat!
Volaria saver, brutta carogna,
con che corazo e come te ga osà
farte sepelir, per mè vergogna,
visin de mi, che son tant blasonà?
La casta xè la casta e bisogna che la sia respetada,
ma ti te ga perso el senso e la misura.
La to salma doveva esser sì, soterada
ma soterada in meso a le scovaze e a la spasatura!
No pos oltra soportar,
la spusa de la to visinansa.
Zerchite ‘naltra busa in sto zimiter
Rente la to zente, co la to baldansa”.
“Sior Marchese, no xè mica colpa mia,
mi no ve varia mai fat sto torto,
xè stada me moglie a far sta fesseria,
mi cosa podevo farghe se iero morto?
Se mi saria vivo, ve contentaria,
me ciaperia su, co le me quatro ossa
e de colp, proprio in sto moment andaria
a butarme in ta ‘naltra fossa”.
“E cos’ te speti, brut scovazin cragnios,
che vadi fora de le orbite, la me pasiensa?
Se mi no fosi stà tant nobil e orgoglios
Un bel aiuto varia dà a la violensa!”
“Fame veder, dai, vedemo sta violensa
por gnampul, me son stufà de le to ciacolade;
e se perdo la me tanta pasiensa,
me dimentico de eser morto e xè ontolade!
Ma chi te crede de essar… al Pareterno? Sacrabolt!
Qua drento, semo tuti uguai no te ga capì?
… te son morto ti e anche mi son mort.
Semo compagni tuti do, sia mì che ti.
“Sporcacion de un porsèl! Come te se permeti
de dir che te son come mi, che go gavù i nadai
titoladi, tanto nobili e perfeti,
de far invidia ai prinzipi reai?”
“Basuàl, ma che Nadal, Pasqua e Epifania!
Te se vol meter in testa, in tal servel,
che te son malà de fantasia?
Te sa cos’ che xè la morte ? … xè un livel.
Un Re, un magistrà, un sior
Co i pasa sto porton, i ga fato el punto.
I ga perdù tut, la vita, el nome e anche l’onor
Nane, no te ga ancora proprio fat sto conto?
Bon e ‘lora scoltime, no sta tant pensar a la tò corona,
Cos’te bazile! Tienme visin a la to corte,
Le monade i le fa sol che i vivi, mona!
noi semo seri, partegnimo a la morte!”
traduzione in dialetto bisiaco di Adriana Paisian
ps.:
bisiaco deriva da "bis acqueo" ovvero terreno tra due acque (Isonzo e Timavo)
per cui il dialetto bisiaco è parlato solo in Monfalcone e dintorni.
|